Am Freidaach is’s wolkisch unn bis zum Midda im Süde zeitweis schauerartisch verstärkt mit Gewidder durchmischt – teils mit Starkreesche. Im Daagesverlauf dann vun Nordweschde her widder neie Schauer unn teils kräftiche Gewidder, lokal aah widder mit Starkreesche. Höchschdsche Temperature lieje bei 20 bis 23 Grad, im höhere Bergland bei 17 bis 19 Grad. Der Wind weht mäßich uus Westen, bei Schauern unn Gewidder frischt’s dann stark böich uff.

In der Nacht zum Samsdaach is’s wechselnd bewölkt mit weitere Schauern unn einzelne Gewidder, im Laufe von der Nacht wird's dann nach unn nach ruhischer. Tiefschdsche Temperature: 14 bis 11 Grad, im Bergland so um die 9 Grad.

Am Samsdaach is’s wechselnd bis stark bewölkt mit gebietsweis Schauer unn kräftiche Gewidder – lokal kann’s widder zu Starkreesche komme. Temperature steije uff 17 bis 21 Grad. Der Wind weht mäßich uus Westen, bei Schauern oder Gewiddern sin starke bis stürmische Böe drin.

In der Nacht zum Sunndaach bleibt’s wechselnd bis stark bewölkt, im Norde kimmt noch e Rutsch Reesche, sonscht lässt des Gedöns so langsam noach. Die Tiefschdswerte lieje zwisch 13 unn 9 Grad.

Vun Sunndaach bis Diensdaach geht’s noch e bissje wechselhaft weider – mit weiderem Reesche unn Reescheschauer. Awwer, Leut, unn besonders ihr, die gern nur Sommer pur habbe wollt: Es wird bald widder besser! Ab Middwooch (so wie's jetzt aussieht) kimmt wahrscheinlisch widder vill mehr Sonn, viel wenischer Reesche unn die Temperature wärde aah widder sommerlich.

Wer also gern im laue Sommerreesche spazieren geht, der soll die nächste Daach besser voll auskoste, gelle!